متابعة: ابراهيم سالم المغربى
الشاب محمد لطيف الفخرانى شاب بداء من الصفر ولم ينظر خلفة ولا شهادة التخرج بداء من القاع ووصل للقمة وجاب العالم من شرقة الصين وروسيا إلى غربة امريكا وكندا وشمالا اوروربا وجنوبا جنوب افريقيا ودول كثيرة
اليكم صاحب التجربة ليسرد لكم مشوارة من البداية إلى القمة
البدايات وجمالها
{إِنَّا الله لَا يضيع أَجْرَ مَنْ أَحْسَنَ عَمَلًا}
اول ما تخرجت من كليه تجاره نزلت شغل مبيعات في شركه جاك لصناعه السيارات 112 ش المرغني وكنت بركب من شبرا لرمسيس واخد مترو مصر الجديده الاخضر.وامضي 8.30 ص حضور ونطلع في جولات أنا وزملائي للمناطق الصناعيه 6 أكتوبر – العاشر من رمضان وشق التعبان عشان كنا بنبيع سيارات نص نقل ماركه Mitsubishi بعد النتيجه وقبل ما اروح معاد التقديم بالجيش
وكنا في اغسطس وسبتمبر والجو كان حار جدااا
ويا سلام وانت ماشي علي رجلك وتلقي مبرد ميه. تشرب كوبيتين عشان تقدر تكمل الجوله
شويه شويه اتعلمت وبيعت وكنت حافظ امكانيه العربيه كويس جداا وكنت من الشاطرين في إقناع العميل بشرائها
روحت الي مصنع بطاريات قلم ( كانتل ) عايز 2 سياره
نقل لنقل البضاعه من المصنع بالفيوم الي مقر الشركه بالهرم
وتوزيعها علي تجار الجمله بالمحافظات
وبالفعل نجحت في بيع 2 سياره وطلب مني مدير الشركه اجيب شباب شاطرين زي للعمل معاهم بمرتبات جيده وعموله وحوافز والحلو في الوظيفه تستلم عربيه ملاكي توزيع بيها
المووضع عجبني جدااا وكنت تقريبا
24 عام روحت نازل معاهم وكانوا 10 مناديب مبيعات
ومسكت منطقه وسط البلد وشبرا لحد القناطر بعد شهرين بالضبط
بقيت رقم 1 في المبيعات بفضل الله
وربنا كرمني وبعد كام شهر قراءه فاتحه زوجتي الغاليه
وبعد حوالي 6 شهور الشركه حصلت فيها مشكله وصفت الشغل
وسلمت عربيتي كيا برايد للمهندس أخو صاحب الشركه لاني كنت محافظ عليها جدا شاري علي حسابي غطاء ودواسات عشان ديه الوسيله اللي بأكل منها عيش حافظ علي النعمه عشان ربنا يباركلك
هنا بقي جالي احباط شديد واقعد بالبيت فتره مخنوق مش عارف اعمل ايه قدمت في شركات كتير بس لأسف مفيش فرصه مناسبه
روحت رايح لشركه باناسونيك بطاريات وكانت اول شارع شبرا
اخدت كام كرتونه بطاريات قلم – طورش -ريموت – 9 ڤولت
وبقت أحطهم في أكياس قويه وامشي علي رجلي من خلوصي لحد الخلفاوي عشان أكل عيش وأعتمد علي الله وعلي نفسي
وطبعا الحجاره تقيله كانت بتملخ دراعي بس ربنا قدرني
لحد ما أقدرت أشتري أول عربيه في حياتي
سيتي النصر 133
نص فلوسها سلف من عمي وعمتي
ثمنها ( 3850 ) جنيه
أبريل 2001
وكنت فرحان جداا بيها
وكانت بدايه لطريق صعب وطويل وصل بينا
لمحطه مهم جداا وبدايه أسم ( الفخراني ديجيتال ) تاريخ ميلادها 2009 في معرض فوتوً إيجيبت قاعه المؤتمرات ( مدينه نصر )
الجزء الاول من قصتي اللي فخور بيها
واتمني الشباب تفهم كويس ان مفيش حلاوه من غير نار
ومفيش نجاح بالحظ او الصدفه
اتقي الله في شغلك وابذل مجهود واتعب واشقي
هتكسر الدنيا وهتبقي سعيد جداا
بنجاحكً وأنك عملت بصمه ليكي
لو حابب اكمل الجزء الثاني
ادعيلي بالتوفيق
